Մ-ն, չիմանալով նաև այս իշխանության հավակնությունները, չի կարող որևէ բան առաջարկել. կողմերը չէին հասկացել միմյանց
«Կարծում եմ` ԵՄ-ի դիրքորոշումը նման իրավիճակներում շատ պարզ կերպով շարադրել է դեսպանը, դրանից ավելի ջերմ մոտեցում չէր կարող լինել: ԵՄ-ն բաց է քննարկումների համար: Բայց մինչ առաջարկները և կոնկրետ գործողությունները՝ ԵՄ-ն, չիմանալով նաև այս իշխանության հավակնությունները, չի կարող որևէ բան առաջարկել, ուստի, կարծում եմ, որ առաջին հայտարարությունը՝ ուղղված ԵՄ-ին, թյուրընկալում էր, կողմերը չէին հասկացել միմյանց: Ողջունում եմ, որ Կառավարությունը միանգամից կարողացավ արձագանքել և ասել, որ կլինեն առաջարկներ: Կարծում եմ` դրանից հետո կսկսվի աշխատանք և ԵՄ-ի կողմից դիտարկում, թե ինչպիսի ծավալի աջակցություն կարող է տրամադրվել, քանի որ, որքան հասկանում եմ, խոսքը հավելյալ աջակցության մասին է, իսկ բոլոր ծրագրերն արդեն հաստատված են: Ուստի վերանայումների կարիք է առաջանալու, քանի որ այս կառավարությունը ցանկանում է բարեփոխումներ իրականացնել և միջոցներ ներգրավել, որոնք դուրս են ՀՀ-ԵՄ համաձայնագրից»,- «168 Ժամ»-ի հետ զրույցում ասել է եվրոպացի պատգամավոր Ռիչարդ Չարնեցկին: Միաժամանակ նա նշել է, որ շատ երկրներում նման փոփոխություններից հետո արտաքին քաղաքականություն է փոխվում, և ըստ դրա՝ վերանայվում է երկկողմ հարաբերությունների ֆունդամենտը: Իսկ վրացի եվրոպագետ Կախա Գոգոլաշվիլին ասել է, որ ԵՄ-ն ֆինանսական աջակցության տեսանկյունից մեծ դժվարությամբ է անցում կատարում մեկ այլ` ավելի ծախսատար փուլի: Դա, ըստ նրա՝ երկկողմ հանձնառություն է` ծավալուն բարեփոխումներ, նվիրված աշխատանք այդ աջակցության դիմաց: «Վրաստանը նման շատ տարբեր փուլերի միջով է անցել, այդ աշխատանքը վերջին տարիներին երբեք չի դադարել, չի դադարել նաև Վրաստանի շարունակական աշխատանքը՝ ԵՄ-ին ապացուցելու, որ Վրաստանն արժանի աշխատանք է իրականացնում այս կամ այն աջակցությունը ստանալու համար: Ուստի, կարծում եմ, որ ՀՀ նոր իշխանություններից ևս կպահանջվի այդ աշխատանքը հաջորդ փուլ տեղափոխել»,- ասել է նա՝ անդրադառնալով ՀՀ-ԵՄ հեռակա «փոխհրաձգությանը» և Հայաստանին տրվող եվրոպական աջակցության ծավալի աճին»: Մանրամասները թերթի այսօրվա համարում
Հետևեք մեզ Viber-ում
