«Էդվարդ Գրիգորյանը ՊՊԾ գնդում կրակոց չի արձակել». պաշտպան
«Սասնա Ծռեր» զինված խմբի անդամ Էդվարդ Գրիգորյանի պաշտպան Երվանդ Վարոսյանը «Ա1+»-ի հետ զրույցում նշեց, որ Էդվարդ Գրիգորյանը երկու տարի առաջ ՊՊԾ գնդում պատահական կրակոց չի արձակել. «Փաստը մնում է փաստ, որ Էդվարդ Գրիգորյանը ոչ մի կապ չունի ՊՊԾ գնդի գրավման օրերին որևէ անձի ստացած որևէ վնասվածքի հետ»,-ասաց փաստաբանը: Հարցին՝ ինչու այսօր Պավել Մանուկյանը հայտարարեց, որ «Սասնա Ծռերի» անդամ Արմեն Բիլյանին սխալ մեղադրանք է առաջադրվել. «Ոստիկանի ուղղությամբ պատահական կրակողը Արմեն Բիլյանը չէ: Պատահական կրակոցով ձեռքից վիրավորված մարդը, որը հետո արյան վարակով մահացավ, այդ պատահական կրակոցի հեղինակը իմ մարտական ընկեր, իմ սիրելի ընկեր Էդվարդ Գրիգորյանն է, որի համար մեղադրվում է Արմեն Բիլյանը: Խնդրում եմ՝ վերականգնեք արդարությունը»,-ասաց Պավել Մանուկյանը: Երվանդ Վարոսյանն ասաց, որ այդ հարցին հնարավորություն չունի պատասխանելու, քանի որ հայտարարության հեղինակը ինքը չի. «Նման հայտարարության պատճառների մասին կարող է պարզաբանում տալ միայն Պավել Մանուկյանը»:
Հետևեք մեզ Viber-ում
