Դա լավաշ է լինելու. Իոաննիսյան (video)
ԱԺ-ում ընտրական օրենսգրքի փոփոխությունների հարցով աշխատանքային խմբի հանդիպման ժամանակ վարչապետին կից ընտրական բարեփոխումների հանձնաժողովի քարտուղար Դանիել Իոաննիսյանը նշեց, որ եթե որևէ կուսակցություն հանդես գա միայն երևանցիներից կազմված ցուցակով, մրցակից քաղաքական ուժն էլ կարող է հանդես գալ ցուցակով, որտեղ շատ կլինեն մարզերի թեկնածուները և մարզերի բնակիչներն էլ կասեն՝ դե երևանցիները զզվացրեցին, ես կքվեարկեմ այն ուժին, որտեղ մարզերից մարդիկ կան: Իոաննիսյանը տեղեկացրեց, որ կուսակցությունները կարող են ներկայացնել մինչև 300 հոգանոց ցուցակներ, ու եթե անգամ դրանց կեսն են ռեյտինգային, ապա ամեն ուժ ունենալու է առնվազն 150 թեկնածու. «Դուք պատկերացնո՞ւմ եք այդ քվեաթերթիկի տեսքը: Դա լավաշ է լինելու: Կամ պատկերացնո՞ւմ եք այն ծրարի տեսքը, որտեղ պետք է տեղավորվի այդ «լավաշը»: Եթե անգամ մարդկանց ունունների փոխարեն թվեր են լինելու, դա էլ այլ խնդիրներ է առաջ բերելու: Մեր հանձնաժողովն այն որոշմանն է, որ պետք է ընդհանրապես հրաժարվել գրիչի կիրառումից: Ընտրողը իր նախընտրած ցուցակը, առանց նշում անելու, դնում է ծրարի մեջ և կատարում իր ընտրությունը: Մենք ձերբազատվում ենք տարբեր գույնի գրիչներից»:
Հետևեք մեզ Viber-ում
