Պաշտոն են ստացել նրանք, որոնք ուղղակի քայլել են

«Հեղափոխությունից առաջ բավական մեծ խոստումներ էին տրվել:Ամեն մեկը ով փողոց է փակել, հանրահավաքի է մասնակցել, կարծում էր, որ իր անձնական կյանքը կլավանա, լավ աշխատանք, լավ աշխատավարձ կունենա: Կառավարությունը պետք է բացատրի, որ դրա համար ժամանակ է պետք:Կառավարությունը պետք է կարողանա բացատրել, որ դա հեշտ լուծելի հարց չէ, մեծ խնդիր է, ժամանակ է պետք »,-լրագրողների  հետ հանդիօմանն  ասաց մեդիափորձագետ Տիգրան Քոչարյանը: «Նախորդ իշխանությունների գործունեությունը ներկայացվում էր ամբողջովին վատ: Հետո պարզվեց, որ ամեն ինչ այնքան վատ չէր. մի քանի ոլորտներում էլ շարունակեցին նախորդ իշխանության գիծը պահելը»,-  նշեց մեդիափորձագետը,ում արծիքով՝ կառավարությունում այժմ կան տարբեր մարդիկ, ու հիմա շատերը պաշտոն են ստացել, որոնք քայլել են, ուղղակի Գյումրիից հասել են Երևան, սակայն պետական կառավարումը մեծ փորձ է ակնկալում, և հենց այդ մարդիկ են թույլ թիրախները: «Հասկանալի է, որ Փաշինյանը չունի կադրեր, և ենթադրելի է, որ շատ քաղաքական գործիչներ չեն ուզում աշխատել ժամանակավոր կառավարությունում, քանի որ կա նաև վերջինիս ձախողման վտանգը: Իմ կարծիքով՝ կառավարության մի մասն արտահերթից հետո հայտնվելու է կա՛մ քաղաքապետարանում, կա՛մ քաղաքական դաշտում, բայց ոչ պետական կառավարման ոլորտումԼԲայց մարդիկ, որոնք հիմա աշխատում են կառավարման ոլորտում, պետք է գիտակցեն, որ պետք է պատասխանատու լինեն, որ իրենց քայլերով չվնասեն հենց Նիկոլ Փաշինյանին»,- ասաց Տիգրան Քոչարյանը՝ ավելացնելով, որ կան նաև լավ ու պատրաստված կադրեր, որոնք ենթադրելի է, որ արտահերթ ընտրություններից հետո կմնան կառավարությում: