Նախարարն առաջարկում է տեղափոխել արձանը

Երեկ Երեւանի կենտրոնում՝ մետրոյի «Հանրապետության հրապարակ» կայարանի վրա, բացվեց այնքան չարչրկված ու քննադատված Արամ Մանուկյանի արձանը։ Հիշեցնենք, որ դիսկուսիաները դեռ չեն դադարել այս արձանի հետ կապված՝ մարդիկ վիճարկում են ինչպես արձանի արտաքին տեսքը, այնպես էլ տեղադրման վայրը։ Երեկ մշակույթի նախարարն անգամ ասել է, որ առաջարկելու են քաղաքապետարանին տեղափոխել արձանն այլ վայր։ Բացմանը ներկա են եղել մեծ թվով պետական, քաղաքական գործիչներ։ Կողք կողքի կանգնած են եղել մարդիկ, որոնք մեծ հակասություններ ունեն միմյանց հետ․ ՀՀ նախագահ Արմեն Սարգսյան, վարչապետ Նիկոլ Փաշինյան, ԱԺ նախագահ Արա Բաբլոյան, Երեւանի քաղաքապետի ժամանակավոր պաշտոնակատար Կամո Արեյան, Ամենայն հայոց կաթողիկոս Գարեգին Բ, ՀՅԴ բյուրոյի ներկայացուցիչ Հրանտ Մարգարյան եւ այլք։ Գրում է Հրապարակը: