Արթուր Գասպարյանը չի հանդիսանում Լևոն Սարգսյանի քրոջ որդին. ՊԵԿ-ը պարզաբանում է

Այսօր մամուլը անդրադարձել էր Ալրաղացի Լյովիկի քրոջ որդու` Բագրատաշենի մաքսակետի պետի պաշտոնի նշանակմանը` նշելով, որ վերջինս հայտնի կոռուպցիոներ է: Վերը նշվածի վերաբերյալ ՀՀ Պեկ տեղեկատվության և հասարակայնության հետ կապերի բաժինը պարզաբանում է տարածել, որում մասնավորապես ասվում է. Լևոն Հրաչի Սարգսյանի (Ալրաղացի Լյովիկ) քույրը որդի չունի, հետևաբար Արթուր Գասպարյանը չի հանդիսանում Լևոն Սարգսյանի քրոջ որդին: Միևնույն ժամանակ, հայտնում ենք, որ Արթուր Գասպարյանը Լևոն Հրաչի Սարգսյանի հետ հեռավոր որոշակի բարեկամական կապ այնուամենայնիվ ունի, որը սակայն որոշիչ գործոն չի հանդիսացել նրա պաշտոնեական առաջխաղացումների հարցում: Մասնավորապես, Արթուր Գասպարյանը համակարգում աշխատանքի է անցել 2008-ից:Զբաղեցնելով տարբեր պաշտոններ` սկսած 1-ին կարգի մասնագետից մինչև Բագրատաշենի հերթափոխի պետ, հետո նաև Բավրայի մաքսային կետ-բաժնի բաժանմունքի պետ: Բագրատաշենի մաքսային կետ-բաժնի պետ է նշանակվել 2018-ի հունիսի 12-ին: