Վալերի Օսիպյանը՝ Վլադիմիր Գասպարյանի եղբոր հետ կապված միջադեպի մասին
ՀՀ ոստիկանապետն անդրադարձել է Կոտայքում երկու օր առաջ տեղի ունեցած աղմկահարույց միջադեպին: Ականատեսները պատմել էին, որ նախկին ոստիկանապետ Վլադիմիր Գասպարյանի եղբայրն ու որդին բռնություն են գործադրել ջրոցի խաղացող երեխայի նկատմամբ ու ծեծել նրա հորը: «Այսօր այն իրավիճակը չէ, որ որևէ մեկը կարող է խուսափել պատասխանատվությունից, ով ուզում է լինի Հայաստանում, այդ թվում՝ ես, լինելով ոստիկանապետ, եթե որևէ հարցում ես այնպես չեմ գործել, ես ինքս պատասխանատվություն եմ կրելու»,- կառավարությունում լրագրողների հետ զրույցում այս մասին ասաց Վալերի Օսիպյանը:
Հարցին՝ եթե Վլադիմիր Գասպարյանը փորձի միջամտել այս հարցին, ի՞նչ քայլեր է ձեռնարկելու ոստիկանությունը, Վալերի Օսիպյանը պատասխանեց. «Ես չեմ կարծում, որ Վլադիմիր Գասպարյանը կմիջամտի այս հարցում: Գործին տիրապետում ենք, համապատասխան ընթացք է տրվել: Քանի որ Գասպարյան Կարենի տղան մեր աշխատակիցն է, իմ հրամանով նրա պարտականությունները ժամանակավորապես կասեցվել են, նյութերն ուղարկվել են հատուկ քննչական»:
Հետևեք մեզ Viber-ում
