«Ռոբերտ Քոչարյանը կհարցաքննվի մինչև հուլիսի 25-ը». ՀՔԾ պետ
Վկային հարցաքննության կանչելու, վկային հարցաքննելու ընթացակարգերը հստակ սահմանազատված են քրեական դատավարության օրենսգրքով, տեսակապով, տեսազանգով, որևէ այլ եղանակով հարցաքննելու հնարավորություն օրենսգիրքը չի նախատեսում, կառավարությունում լրագրողնրի հետ զրույցում ասաց ՀՔԾ պետ Սասուն Խաչատրյանն՝ անդրադառնալով ՀՀ երկրորոդ նախագահ Ռոբերտ Քոչարյանին հարցաքննության հրավիրելուն: Նա նշեց, որ ՀՔԾ–ն մինչև հուլիսի 25-ը Ռոբերտ Քոչարյանին կսպասի հարցաքննության, ով հրավիրվել է վկայի կարգավիճակով:
Ինչ վերաբերում է հարցազրույցը տեսաձայնագրելուն, իսկ հետո, ըստ անհրաժեշտության, այն հրապարակելուն, նա ասաց. «Դա վարույթն իրականացնող մարմինն է որոշում, կքննարկվի»:
Անդրադառնալով Միքայել Հարությունյանի մեղադրանքի վերավորակման հնարավորությանը՝ նա ասաց, որ իր կարծիքը հայտնել է այդ մասին և այն չի փոխել:
Հաջորդ հարցին, թե ՀՔԾ-ն բազմաթիվ քրեական գործերի ընթացք չի տվել կամ «ջրել է», որոնցից է օրինակ 2015 թվականին լրագրողների նկատմամբ կատարված բռնությունն «Էլեկտրիկ Երևանի» ժամանակ, որի հետ կապված մինչ այսօր որևիցե բարձրաստիճան պաշտոնյա չի պատժվել, և արդյոք հույս ունենա՞նք, որ այդ գործով որևէ տեղաշարժ կլինի՞, Ս. Խաչատրյանը պատասխանեց.
«Աշխատանքներ տարվում են այդ ուղղությամբ և ձեռք բերված ապացույցների հիման վրա կտրրվեն օբյեկտիվ գնահատականներ»:
Խոսելով Դավիթ Հարությունյանի գնահատականի մասին, թե Սահմանադրության խախտմամբ է եղել, նա ասաց, որ Դավիթ Հարությունյանը իրավաբան է, և իր կարծիքն իրավունք ունի ունենալ, սակայն ինքը այն չի կիսում:
ՀՔԾ պետը հավելեց, որ այլ բարձրաստիճան անձիք հրավիրվել են հարցաքննության ևս, սակայն անուններ չցանկացավ նշել:
Հարցին, թե հնարավոր կլինի բացահայտել մարտի մեկը, նա ասաց, որ լավատես է:
Հետևեք մեզ Viber-ում
