Շտապ.ոստիկանները ուժ են կիրառել և Էջմիածնի դիվանատան շենքից հեռացրել ակտիվիստներին

Պահանջը նույնն է՝ Ամենայն հայոց կաթողիկոս Գարեգին երկրորդի հրաժարականը։ Դիվանատուն մտած քաղաքացիները Վեհափառ հայրապետին մեղադրում են նաև Սուրբ Գեղարդ մասունքից մի հատված Սանկտ Պետերբուրգի քաղաքապետին նվիրաբերելու մեջ։ Մեր ունեցած տեղեկություններով ,այսօր վաղ առավոտյան՝7:10-ի սահմաններում ոստիականները բռնի ուժով հեռացրել են ակտիվիստներին: hayeli.am-ի հետ զրույցում ակտիվիստ Գևորգ Յազըճյանը պատմեց,որ վաղ առավորտյան մոտ 100 ոստիկաններ Երևանից և Արմավիրից, մոտեցել են ակտիվիստներին,10 րոպե ժամանակ են տվել ,որ հեռանան Դիվանատան շենքի տարածքից:Ակտիվիստները սակայն չեն հեռացել,ինչից հետո ոստիկանները   նախաձեռնության անդամ Կարեն Պետրոսյանի և մյուսները ձեռքերը ոլորելով բռնի հեռացրել են   ոչ միայն դիվանատան շենքից,այլև Մայր Աթոռի տարածքից: Մեր հարցին,թե ինչ են պատրաստվում անել հետագայում,Յազըճյանն ասաց,որ այժմ հավաքվել են որոշելու իրենց հետագա անելիքները,փնտրում են նոր տարածք ակցիան շարունակելու համար,հեռանալու մտադրություն չունեն:Ավելին ,հիմա ավելի հստակ են պահանջում Գարեգին Բ-ի հրաժարականը,այլապես սկսելու են բազմահազարանոց բողոքի ակցիաներ: