Հարգելի համաքաղաքացիներ,
Ուշադրությամբ հետևում եմ իմ վերջին հարցազրույցի վերաբերյալ ձեր կողմից արված մեկնաբանություններին, կարծիքներին և դատողություններին: Ցավոք չնկատեցի բովանդակային անհամաձայնություն իմ կողմից հնչեցրած մտքերին և գաղափարներին, այլ հանդիպեցի առավելապես մեկ դիտողության. <ուր էիք դուք <Սերժի> ժամանակ և ինչու չէիք խոսում խնդիրների մասին>??Պատասխանեմ ձեզ այդքան տանջող այդ հարցին . . .
Ես իմ ամբողջ գիտակցական կյանքը նվիրել եմ կրթությանն ու գիտությանը, հիմնադրել եմ Եվրոպական ուսումնասիրությունների կենտրոնը, հիմք դրել միջառարկայական կրթության ու գիտության, ներկայացրել եմ Հայաստանի Հանրապետությունը տարբեր միջազգային հարթակներում, իսկ որ ամենակարևորն է, կրթել եմ սերունդ, այն սերունդը, որ ապրիլյան իրադարձությունների ժամանակ կանգնած էր առաջագծում և պայքարում էր արդարության, օրինականության, ժողովրդավարության համար: Դիտելով ուղիղ եթերները, մշտապես հանդիպում էի իմ ուսանողներին, որոնց 16 տարի ներարկել եմ քաղաքացիականություն, ազատություն, արժանապատվություն, իշխանության առջև պահանջատեր լինելու կամք և գիտակցություն, փոփոխություններ պահանջելու և այդ պահանջը իրացնելու հմտություն, կարողություն և ուժ: Մշտապես հորդորել եմ չհաշտվել ստեղծված իրողությունների հետ, պայքարել դրանց դեմ, ձևավորել տեսլական, ֆանատիկորեն հավատալ այդ տեսլականին և հետևողականորեն հետամուտ լինել դրա քայլ առ քայլ իրականացմանը: Այդ ուսանողների թիվն անցնում է 5000-ը և ցանկության դեպքում դժվար չէ գտնել նրանցից մեկին և հարցնել իմ կողմից իրենց հաղորդված սկզբունքների և գաղափարների մասին:
Փաշինյանի նախաձեռնած շարժումը դարձավ այս 16 տարվա աշխատանքի գեներատորը և իրական հնարավորություն տվեց դասախոսությունների ընթացքում ստացած տեսական գիտելիքները, ձևավորած գաղափարներն ու համոզմունքները իրագործել և ի պատիվ Փաշինյանի, դա ստացվեց:
Իրոք ուրախ եմ, որ իմ փոքր ներդրումն եմ ունեցել այս մեծ փոփոխություններում և հանձնառու եմ այսուհետ ևս աշխատել հանուն Հայ ժողովրդի և ծառայել Հայաստանի Հանրապետությանը:
Սեպտեմբերի 22-ին՝ ժամը 15։30-ին, Հայելի ակումբի հյուրն է Պարույր Հայրիկյանը
Սեպտեմբերի 22-ին՝ ժամը 14։30-ին, Հայելի ակումբի հյուրն է Գագիկ Մինասյանը (ՀՀԿ)
Սեպտեմբերի 22-ին՝ ժամը 13։30-ին, Հայելի ակումբի հյուրն է Նաիրա Զոհրաբյանը
Սեպտեմբերի 22-ին՝ ժամը 12։00-ին, Հայելի ակումբի հյուրն է Հայկ Նահապետյանը
Սեպտեմբերի 19-ին՝ ժամը 10։30-ին, Հայելի ակումբի հյուրն է Հովհաննես Իշխանյանը
Սեպտեմբերի 19-ին՝ ժամը 15։30-ին, Հայելի ակումբի հյուրն է Սերգեյ Շաքարյանցը
Սեպտեմբերի 19-ին՝ ժամը 12։30-ին, Հայելի ակումբի հյուրն է Հայկ Այվազյանը
Սեպտեմբերի 19-ին՝ ժամը 14։00-ին, Հայելի ակումբի հյուրն է Հրանտ Բագրատյանը
Սեպտեմբերի 18-ին՝ ժամը 14։00-ին, Հայելի ակումբի հյուրն է Ձյունիկ Աղաջանյանը
Սեպտեմբերի 18-ին՝ ժամը 16։00-ին, Հայելի ակումբի հյուրն է Նարե Սոսեն
Հետևեք մեզ Viber-ում
