«Տարածաշրջանում ջրային ռեսուրսների պակասն արդեն զգացվում է». Կարեն Հովհաննիսյան
Տարածաշրջանում ջրային ռեսուրսների պակասն արդեն զգացվում է: Իրաքի պատմության մեջ առաջին անգամ, Իրաքի ջրային տնտեսության նախարարությունը կոչ է արել ֆերմներներին մշակովի միամյա բույսեր չմշակել այս տարի, քանի որ երկրում առկա է ոռոգման ջրի խնդիր: Խոսքը մասնավորապես վերաբերվում է եգիպտացորենին, ցորենին և բրինձին: Ֆերմերները դուրս են եկել բողոքի, քանի որ Իրաքի կառավարությունը փաստացի տանում է սննկացման նրանց: Ֆերմերները իրենց բողոքի սլաքը ուղղում են դեպի Թուրքիա, ով ամբողջությամբ օգտագործում է ջրի պաշարները Տիգրիս և Եփրատ գետերից: Ֆերմներները փորձել են փակել Եփրատի վտակներից մեկը, որպեսզի բարձրանա մակարդակը և հարակից վարելահողերը ոռոգվեն, սակայն Իրաքի ոստիկանական ուժերը այն քանդել են: Ավելացնեմ նաև, որ ոռոգման ջրի խնդիր առկա է Իրաքյան Քրդստանում, Սիրիայում, Թուրքիայի հարավ-արևելյան նահգներում, իսկ խմելու ջրի խնդիրը մնում է օրհասական Սիրիայում և Իրաքյան Քրդստանում:
Հետևեք մեզ Viber-ում
