Մարզական գործունեությունը դադարեցրած մարզիկների վրա տարկետումը չի տարածվի. վարչապետ

Այսօր Կառավարության նիստին ՀՀ սպորտի և երիտասարդության նախարար Լևոն Ֆահրադյանը ներկայացրեց սպորտի բնագավառում նշանակալի նվաճումներ ունեցող մի շարք քաղաքացիների՝ պարտադիր զինվորական ծառայության զորակոչից տարկետում տալու մասին որոշման նախագիծը: Վարչապետ Նիկոլ Փաշինյանը նշեց, որ նախագիշը վերանայելու կարիք ունի: «Մեր քաղաքականությունն այս հարցում պետք է վերանայենք և այլ մեխանիզմներ ունենանք, որ արդյունավետ գործենք: Որպեսզի ցայտնոտային որոշումեր չկայացնենք՝ կշարժվենք մինչ այս պահը գործող տրամաբանությամբ կամ գրեթե նույն տրամաբանությամբ՝ արձանագրելով, որ այս հարցը պետք է լուրջ վերանայենք: Խոսքը վերաբերում է տարկետում տալուն, այն պահին, երբ այս մարզիկները կդադարեցնեն իրենց մարզական գործունեությունը, իրենք պետք է զորացրվեն բանակ, այսինքն՝ բանակից ազատվելու մասին խոսք չկա»,-ասաց նա: