Ինքնակամ զենք էին հանձնում նաև Վանո Սիրադեղյանի ժամանակ, սա մեզ համար նորություն չէ. Ահարոն Ադիբեկյան (video)

«Նոր իշխանությունները փորձում են հաստատել, որ օրենքը վեր է բոլորից: Օրենքից վեր ո՛չ գեներալն է, ո՛չ վետերանը, ո՛չ էլ որևէ մեկի ազգականը», -hayeli.am-ի հետ զրույցում նման տեսակետ հայտնեց սոցիոլոգ Ահարոն Ադիբեկյանը: Ըստ սոցիոլոգի՝ ԱԱԾ-ի նման գործունեությունը կարող է հոգեբանորեն ազդել հանրության վրա՝ ստեղծելով վախի մթնոլորտ: Հարցին՝ արդյոք սոցիոլոգը կիսում է այն տեսակետը, որ ԱԱԾ-ն շոու է անում, վերջինս պատասխանեց. «Ինչ վարք էլ դրսևորեր ԱԱԾ-ն, պետք է դա որոշակի շոուի նմանվեր, որպեսզի հանրության համար այդ բացահայտումները գաղտնի, ծածուկ չլինեին: Դասախոսություն կարդալով ոչինչ չես կարող սովորեցնել,հայն էլ ցուցադրական սիրում է ինչ-որ բաներ անել, գուցե սա էլ օրինակ լինի, որպեսզի նման երևույթները չկրկնվեն»: Առավել մանրամասն՝ տեսանյութում.