Արթուր Վանեցյանը՝ Տարոն Մարգարյանի մասին, ով է հաջորդը
Ազգային անվտանգության ծառայության տնօրեն Արթուր Վանեցյանը կառավարության նիստից առաջ լրագրողների հետ զրույցում անդրադարձել է Հայաստան համահայկական հիմանդրամի տնօրեն Արա Վարդանյանի ձերբակալությանը: Նրա խոսքով՝ Վարդանյանը օգտվել է հիմնադրամի վարկային գծի գումարներից, իր հայտարարությամբ՝ վերադարձրել է գումարները, բայց ԱԱԾ-ն քննություն է իրականացնում, ամեն ինչ պարզ կլինի քննությունից հետո: «Մոտ 130 մլն դրամ հանել ա ու խաղացել կազինոներում: Քննություն կանենք, պարզ կլինի՝ վերադարձվել է, թե ոչ: Ինքը հայտարարել է, որ վերադարձվել է»,- ասել է նա: Հարցին, թե հնարավոր է ԱԱԾ-ն անդրադառնա նաև Երևանի քաղաքապետ Տարոն Մարգարյանի ունեցվածքին: «Քննության ընթացքում ընդհանուր Երևան հինադրամի հետ կապված այդ երևույթներն էլ են ուսումնասիրվում: Եթե կլինեն խախտումներ, գնահատականը կտրվի: Տարոն Մարգարյանը ՀՀ-ում է, իսկ թե որտեղ է գտնվում՝ չգիտեմ: Հարցաքննության չի հրավիրվել»,- ասաց Վանեցյանը:
Հետևեք մեզ Viber-ում
