«Ուզում եմ հայտնել, թե ինչ է կատարվում ՀՀ գլխավոր դատախազությունում». բաց նամակ վարչապետին

Աշոտ Զաքարյանը բաց նամակով դիմում է Նիկոլ Փաշինյանին. «Ուզում եմ հայտնել, թե ինչ է կատարվում ՀՀ գլխավոր դատախազությունում: Ինձ «թալանելու» նպատակով իմ հետ գործարքի մեջ է մտել մի մեծահարուստ, օգտվելով նրանից, որ վստահում եմ իրեն, ունենալով մեծ շրջապատ տարբեր բարձրաստիճան պաշտոնատար անձանց հետ և իրեն զգալով անպատժելի, պայմանագրում քողարկված երկիմաստ դրույթ է սահմանել, այնուհետև խաբեությամբ դա օգտագործելով շուրջ 6 միլիոն ԱՄՆ դոլար արժողությամբ գույքի ինձ պատկանող 50%-ն անհատույց դարձրել է իրենով, որից հետո նույն 6 միլիոն ԱՄՆ դոլար արժողությամբ գույքի արժեքն արհեստականորեն՝ հաշվապահական խեղաթյուրումներով և կեղծիքներով, դարձրել է 2 հազար ԱՄՆ դոլար, և դրանով կատարած հաշվարկներով՝ ներդրում անելու անվան տակ, անհատույց դարձրել իրենով ինձ պատկանող բաժնեմասի նաև 24%-ը: Այս ամենի պայմաններում ՀՀ գլխավոր դատախազությունում ամեն ինչ անում են, ցուցումներ են տալիս, պայքարում են, որ հանկարծ քրեական գործ չհարուցվի, այդ մեծահարուստը շարունակի մնալ արտոնյալ և անպատժելի: Հարգելի պարոն Փաշինյան, ինչպե՞ս կարող է գործարարը Հայաստանում ներդրում կատարի, երբ տեսնի իմ օրինակը, երբ մի օր տանը նստած իմանա, որ այլևս 6 միլիոն ԱՄՆ դոլար արժողությամբ գույքի 74%-ն իրենը չէ, ինչպե՞ս ներդրում կատարի, երբ անպաշտպան է, երբ արժանանում է նման անտարբեր վերաբերմունքի: Խնդրում եմ Ձեր միջամտությունը, որպեսզի հարուցվի քրեական գործ և օբյեկտիվ քննություն իրականացվի»: