«Ամերիկյան որևէ արտադրանք չպետք է համալրի ադրբեջանական զինված ուժերը». Սուրեն Սարգսյան

Քաղաքագետ Սուրեն Սարգսյանը «Ֆեյսբուք»-ում գրել է. «Ուղղաթիռների մասին՝ հավանաբար վերջին անգամ Շարունակում եմ մնալ այն համոզմունքին, որ որևէ ամերիկյան արտադրանք չպետք է համալրի ադրբեջանական զինված ուժերը։ Մեր զինվորների կյանքին չպետք է ամերիկյան որևէ արտադրանք սպառնալիք ներկայացնի։ Դրա համար կան ամերիկյան ներպետական իրավունքի մի շարք նորմեր, որոնց չեմ անդրադառնում: Հետևողական եմ լինելու ցանկացած զինատեսակի, կամ ամերիկյան տեխնոլոգիաներով արտադրության հայտնվելուն ադրբեջանական բանակում՝ նորից ամերիկյան ներպետական իրավունքի շրջանակներում։ Միշտ բարձրաձայնելու եմ։ Շարունակում եմ պնդել, որ ԱԳՆ-ն ու ՊՆ-ն չպետք է հայտարարություն անեն, մինչ ամբողջությամբ չպարզվի ումից են ձեռք բերվել ուղղաթիռները։ Շարունակում եմ պնդել, որ դրանք կրկնակի նշանակության են և Ադրբեջանը հաստատել է, որ դրանք ռազմականացվել են։ Հարգելի լրագրողներ, մի սադրեք պետական պաշտոնյաներին։ Նրանք միշտ չէ, որ կարող են բոլոր հարցերին պատասխանել։ Շնորհակալ եմ բոլոր նրանց, ովքեր աջակցում են ինձ այս հարցում»։