Նիկոլ Փաշինյանի խորամանկ քայլը. Ահարոն Ադիբեկյան (video)
Այսօր լրագրողների հետ հանդիպմանը սոցիոլոգ Ահարոն Ադիբեկյանը, խոսելով ընտրական օրենսգրքում սպասվող ընտրություններից, ասաց. «Նոր իշխանության կարծիքով, եթե մեծամասնականը դուրս գա և մնա միայն համամասնականը, այդ ժամանակ նոր դաշինքի կազմավորման շանսերը մեծանում են: Սա իրականում վիճելի հարց է»: Ըստ սոցիոլոգի՝ այսպիսի հանգուցալուծման են ուզում գնալ, քանի որ հայտնի է, որ ՀՀԿ-ն խորհրդարանում մեծամասնություն կազմել է հիմնականում հենվելով մեծամասնական ցուցակի վրա: Խոսելով արտահերթ ընտրության ժամկետներից, սոցիոլոգը նշեց, որ Նիկոլ Փաշինյանը խորամանկության է դիմում. «Վարչապետն ասում է, մենք արտահերթ ընտրություններից առաջ ուզում են հնարավորություն տալ կուսակցություններին, որպեսզի պատշաճ պատրաստվեն ընտրություններին: Բայց, երբ նայում ենք կարողություններին, ապա ՀՀԿ-ն շարունակում է ունենալ մեծ թվով շտաբեր: Դաշինքը դեռ նման հնարավորություններ չունի, և հարց է ծագում՝ ի՞նչ միջոցներով են այդ հնարավորությունները ձեռք բերելու»: Ադիբեկյանի խոսքով՝ դրոշներով Երևանի փողոցներում շրջելով հնարավոր է տպավորություն ստեղծել, բայց պետք է նաև համապատասխան աշխատանքներ անցկացնել համայքներում: Մանրամասները՝ տեսանյութում.
Հետևեք մեզ Viber-ում
