Ձորաղբյուրի ամառանոցներում «երաշտ է»
Ջորաղբյուրի ամառանոցներում, խոսքը մասնավորապես վերաբերում է «ֆիննախի ամառանոցներին» ու դրան հարակից բավականին ընդարձակ տարածքների պտղատու այգիներին, այս տարի ոռոգման ջուր բացարձակապես չի տրվել տարբեր պատճառաբանություններով՝ «գծի վթար», «շարժչի խափանում», «պտուտակների թափում»: Ինչպես այսօր բնակիչները տեղեկացան իրազեկ աղբյուրներից՝«ՍԵՎԱՆ-ՀՐԱԶԴԱՆ-ՋՐԱՌ» ՓԲԸ-ն պարզապես խիստ խնայողական ռեժիմի է անցել, ինչն էլ ստիպում է Ձորաղբյուրի ամառանոցների <ջրբաշխիչ կետի> աշխատակիցներին հորինել ստեր «գծի վթարի», «շարժչի խափանման», «պտուտակները թափելու» վերաբերյալ՝ օր ու գիշեր ջրի սպասող բնակիչներին հանդարտեցնելու համար: Այսօր Ձորաղբյուրի ամառանոցներում աղետալի վիճակ է և վտանգված է ողջ բերքը: Ապացույցը՝ նկարներում: Ձորաղբյուրի ամառանոցների մի խումբ բնակիչներ 01.07.2018
Հետևեք մեզ Viber-ում
