Երեկ՝ հունիսի 29-ին, խոշոր ավտովթար է տեղի ունեցել Երևանում: Ժամը 22:00-ի սահմաններում Իսկակովի պողոտա-Ա. Բաբաջանյան փողոցների խաչմերուկում բախվել են ГАЗ 32213 մակնիշի առանց համարանիշի և Toyota մակնիշի 35 GT 717 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան: Դեպքի վայրում հավաքվածներն ասում էին, որ վթարի մեղավորը եղել է ГАЗель-ի վարորդը, ով մինչև Toyota-ին բախվելը հարվածել է խաչմերուկի երթևեկությունը կարգավորղ լուսակիրին, տապալել այն, հետո բախվել Toyota-ին, որից հետո ГАЗель-ի վարորդը դուրս է եկել ավտոմեքենայից և սկսել լկտի վերաբերմունք ցուցաբերել քաղաքացիների նկատմամբ՝ հայհոյանքներ ու սպառնալիքներ տալով անգամ ոստիկանության ծառայողների հասցեին: Նրան մեծ դժվարությամբ են ոստիկանները կարողացել տեղափոխել սթափության վայր, որտեղ պարզվել է, որ նա ավտոմեքենան վարել է ոչ սթափ (խմած) վիճակում: Խմածության աստիճանը գերազանցել է 80 տոկոսը: Ֆոտոլրագրողը հայտնում է նաև, որ երբ ոստիկաններն ու քաղաքացիները փորձում էի կարգի հրավիրել նրան, նա չէր ենթարկվում, իսկ փախուստի ժամանակ ճիվաղի գրպանից ընկավ թուղթ ու պարզվեց, որ դա նրա ազատականն է: Ճիվաղը օրեր առաջ է ազատվել Սևանի գաղութից ու քաղաքացիներն իմանալով, որ նա նոր է ազատվել, ասում էին. «Դրա նման թափթփուկները պետք է ազատության բերկրանքը չզգան, դրա նմանների տեղը բանտախուցն է»: Ֆոտոլրագրողի տեղեկություններով՝ նա Երևանի քաղաքի բնակիչ, 28-ամյա Արման Խաչատրյանն է: Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Կարեն Գայուլումյանը տեղեկությունը փոխանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննիչ Հովհաննսես Սարգսյանը, ում կողմից փաստի առիվ նյութեր են նախապատրաստվում: Հ. Սարգսյանի հանձնարարականով ГАЗель-ը քարշակով տեղափոխվեց Երևանի ՃՈ պահպանվող հատուկ տարածք: Toyota վարորդն էլ, ում տվյալները ճշտվում են, նույնպես ենթարկվեց բժշկական փորձաքննության: Պարզվեց, որ նա սթափ է: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Լուսանկարները՝ Գագիկ Շամշյանի
Մարտի 10-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Մարտի 10-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը
Մարտի 10-ին՝ ժամը 13։30-ին, Հայելի ակումբի հյուրն է Երվանդ Բոզոյանը
Մարտի 10-ին՝ ժամը 11։30-ին, Հայելի ակումբի հյուրն է Հայկ Նահապետյանը
Մարտի 9-ին՝ ժամը 15։00-ին, Հայելի ակումբի հյուրն է Նարե Սոսեն
Մարտի 9-ին՝ ժամը 13։00-ին, Հայելի ակումբի հյուրն է ԱԺ պատգամավոր Գառնիկ Դանիելյանը
Մարտի 9-ին՝ ժամը 12։00-ին, Հայելի ակումբի հյուրն է Նաիրա Զոհրաբյանը
Մարտի 9-ին՝ ժամը 11։00-ին, Հայելի ակումբի հյուրն է Անաստաս Իսրայելյանը
Մարտի 7-ին՝ ժամը 13։00-ին, Հայելի ակումբի հյուրն է Աշոտ Անդրեասյանը
Մարտի 7-ին՝ ժամը 12։00-ին, Հայելի ակումբի հյուրն է Արա Վարդանյանը
Հետևեք մեզ Viber-ում
