Հլը մեկդ շշկռվեք ու երկրապահի անունը փոխեք. Բուռն քննարկում երկրապահների միջև (video)
«Երբ երկրապահում սկսեցին վաճառվել վկայականներ, զինանշաններ, այդ ժամանակվանից ես զերծ մնացի ԵԿՄ մուտք ու ելքից»,- այսօր Հայելի ակումբում լրագրողների հետ հանդիպմանն ասաց Արա Խուդավերդյանը՝ Կոռնիձորի Արոն: Կոռնիձորի Արոն վստահ է, որ երբ երկրապահում կհավաքվեն պատերազմում իրական կռվածները, ինքն անպայման կընտրվի երկրապահների նախագահ: Խոսելով օրերս ԵԿՄ փոխնախագահ Համլետ Հայրապետյանի այն հայտարարության մասին, ըստ որի ԵԿՄ-ն սատարելու է Քաղաքացիական պայմանագիր կուսակցությանը, բանախոսն ասաց. «Ես մշտապես սատարել եմ ընդդիմությանը: Թավշյա հեղափոխության օրերին էլ սատարել եմ Նիկոլ Փաշինյանին: Հիմա էլ սատարելու եմ նրան»: Հարցին, որ հանրության մեջ կա մի զանգված, որը կարծում է՝ ճիշտ է ԵԿՄ-ի անունը փոխելը, ի՞նչ են մտածում սրա մասին բանախոսներից, ԵԿՄ անդամ փոխգնդապետ Ռոմիկ Մխիթարյանը բորբոքված պատասխանեց. «Սրանից մի ամիս առաջ երկրապահին բոլորը սիրում էին, վերջիվերջո, երկրապահը սահման է պահել, վիրավորվել է: Էս ինչի՞ մասին եք խոսում: Ես երկրապահ եմ, ով իր կյանքն ա վտանգել, իր ընտանիքի կյանքն ա վտանգել: Հլը մեկը շշկռվի ու երկրապահի անունը փոխի»: Առավել մանրամասն՝ տեսանյութում.
Հետևեք մեզ Viber-ում
