Էրդողանի պառլամենտական ձախողումը. Րաֆֆի Հերմոն Արաքս (video)
«Երբ ինձ հարցնում էին՝ ինչ եք սպասում Թուրքիայի նախագահական և պառլամենտական ընտրություններից, ես ասում էի՝ կամ քաոսային վիճակ, կամ էլ դժոխք»,-այսօր Հայելի ակումբում լրագրողների հետ հանդիպմանն ասաց Թուրքիայից հասարական, քաղաքական գործիչ, լրագրող Րաֆֆի Հերմոն Արաքսը: Րաֆֆի Հերմոն Արաքսի խոսքով՝ եթե քրդերի կուսակցությունը պակաս ձայն հավաքեր, Էրդողանը ջախջախիչ հաղթանակ կտաներ. «Պառլամենտում 600 աթոռ կա, սակայն մեծամասնություն կազմելու համար պետք է որևէ կուսակցություն զբաղեցնի 300 աթոռ: Սակայն, Էրդողանի կուսակցությունը օգտագործելով պետության բոլոր լծակները, այդպես էլ չկարողացավ բացարձակ մեծամասնություն կազմել խորհրդարանում»: Խոսելով նախագահական ընտրություններից՝ քաղաքական գործիչն ասաց. «Առաջին անգամ ընտրություններն անցկացվում էին 2 փուլով և Էրդողանը պետք է ամեն ինչ աներ, որպեսզի 2-րդ փուլ ընտրությունները չանցնեին, քանի որ բոլոր ուժերը կմիավորվեին իր դեմ: Այսպիսով՝ մեծամասնություն չկազմելով խորհրդարանում, նա կարողացավ նախագահական ընտրություններում հաղթանակի հասնել»: Մանրամասները՝ տեսանյութում.
Հետևեք մեզ Viber-ում
