Պոլսո հայ համայնքը կրիտիկական վիճակում է. Տիրան Լոքմագյոզյան (video)
Պոլսահայ Տիրան Լոքմագյոզյանն այսօր Հայելի ակումբում խոսելով Թուրքիայում հայերի առաջ ծառացած խնդիրներից ասաց. ««Խառնամուսնությունները մեծ չափերի են հասնում՝ 50 տոկոսն անցել է: Ժամանակին, եթե հայ ընտանիքը չուներ հայր, մայր, ապա իրավունք չուներ հայկական դպրոցում սովորելու, հիմա այդ արգելքն էլ հանվել է: Այժմ հայկական դպրոցները շատ քիչ աշակերտներ ունեն, որոշները փակվել են, որոշներն էլ փակվելու կամ միավորվելու վտանգի տակ են, դպրոցների աշակերտների զգալի տոկոսը խառնամուսնությունների արդյունք են, այսինքն՝ ծնողներից մեկը հայ չէ»: Ըստ պոլսահայի՝ եթե վիճակը Թուրքիայի հայերի մոտ այսպես մնա, ապա մենք կարող է անգամ համայնք այլևս չունենանք: Հարցին՝ արդյոք Թուրքիայում վերջին ընտրությունների արդյունքները սպասելի էին, բանախոսն ասաց. «Ես շատ ավելի վաղուց էի ասել, որ Էրդողանը միևնույն է կհասնի ցանկալի արդյունքի: Սակայն, քրդամետ կուսակցութան մուտքը խորհրդարան, խառնեց Էրդողանի խաղաքարտերը: Այս ամենով հանդերձ, Էրդողանը դաշինք կազմեց ֆաշիստների հետ, որպեսզի իր համար նոր բարենպտաստ պայմաններ ստեղծի»: Մանրամասները տեսանյութում.
Հետևեք մեզ Viber-ում
